Այսօր ԱԺ պաշտպանության եւ անվտանգության հարցերի հանձնաժողովի նախագահ Անդրանիկ Քոչարյանը լրագրողների հետ զրույցում ասաց, որ բանակի խնդիրների լուծումից է կախված, թե մեր երկիրն ինչպես կլուծի մնացած խնդիրները՝ տնտեսական, ռազմական:
Նա ասաց, որ պաշտոնանկություններ կլինեն ՊՆ-ում, անկասկած: Թե կադրային փոփոխություններն ի՞նչ կտան՝ Անդրանիկ Քոչարյանը պատասխանեց, որ դա կառողջացնի. «Դրանք սթափեցնող դրսեւորումներ են»:
Խոսելով փետրվարյան մտահոգիչ դեպքերի մասին, որոնք տեղի ունեցան բանակում՝ Անդրանիկ Քոչարյանն ասաց, որ մեր զինված ուժերում ինքնասպանության կամ ինքնասպանության հասցնելու դեպքեր պետք է տեղի չունենան, պետք է հասնենք դրան. «Ախպերության սկզբունքը բանակում անելիք չունի: Մենք այստեղ քննարկեցինք էլիտար զորամասերի հարցը: Արցախի ՊԲ-ում, որտեղ ծառայություն իրականացնում են Արցախի մեր հայրենակիցները, թե նաեւ կամավորները, դրանք բոլորը մենք գնահատեցինք էլիտար՝ իրենց մարտական խնդրի պայմաններում: Իսկ նման դրսեւորումներ, եթե կան այլ զորամասերում, այն զորամասում, որտեղ եղավ ինքնասպանություն, այդ զորամասը իր մարտական էլիտար բնույթը, որպես լավագույն հարվածային ուժ, չարժի, որ անընդհատ մենք նրա էլիտարությունը դիտենք հոգեբանական նկարագրի մեջ, դիտենք մարտական խնդրի մեջ: Բայց որ կան անհավասարության խնդիրներ, որը ծնում է նման դեպքեր, մենք այդ հարցերը քննարկել ենք: Սովորական հեռախոսը կարող է դառնալ անհավասարության գործոն, կամ ինչ-որ մեկի երեխա լինելը: Հրամանատարը պետք է լիարժեք լինի, ինքը համար մեկ պատասխանատուն է»:
Կարդացեք նաև
Հռիփսիմե ՋԵԲԵՋՅԱՆ
