«Ռոբերտ Քոչարյանի եւ մյուսների» գործով դատական նիստն այսօր հետաձգվեց: Դատական նիստին ներկա չէր Յուրի Խաչատուրովի թարգմանիչը: Որ թարգմանիչը չի ներկայանալու նիստին, դատարանին հայտնի էր դարձել նիստից անմիջապես առաջ եւ դատարանը հնարավորություն չէր ունեցել չներկայանալու պատճառը ճշտելու:
Դատավոր Աննա Դանիբեկյանը թույլ չտվեց, որ Յուրի Խաչատուրովի պաշտպանը հայտարարություն անի:
Նիստը կկայանա փետրվարի 25-ին, ժամը 13.00-ին:
Հիշեցնենք՝ նախորդ դատական նիստում Արմեն Գեւորգյանի, Սեյրան Օհանյանի, Յուրի Խաչատուրովի, ապա նաեւ Ռոբերտ Քոչարյանի պաշտպանները իրենց պաշտպանյալների նկատմամբ քրեական հետապնդումը դադարեցնելու մասին միջնորդություններ էին ներկայացրել: Պատասխանող կողմը առարկել էր:
Կարդացեք նաև
Պաշտպաններից հետո առարկություններ էին ներկայացրել մեղադրանքը պաշտպանող դատախազները՝ պնդելով, որ քրեական անորոշ նորմի մասին խոսք լինել չի կարող։
Աշխատանքային օրվա ավարտի պատճառով դատական նիստը հետաձգվել էր: Այսօր դատարանը պետք է լսեր կողմերի ամփոփիչ ելույթները ներկայացված միջնորդության վերաբերյալ։
Նելլի ԳՐԻԳՈՐՅԱՆ
