Ազգային ժողովում ԳՇ պետ Արտակ Դավթյանը այսօր փակ հանդիպում ունեցավ ԱԺ պաշտպանության եւ անվտանգության հարցերի, ինչպես նաեւ ԱԺ մարդու իրավունքների պաշտպանության եւ հանրային հարցերի հանձնաժողովների անդամների հետ:
Թե ինչ հարցեր էին քննարկել, հանդիպումից հետո լրագրողների հետ զրույցում Նաիրա Զոհրաբյանը հայտարարեց, որ հրապարակման ենթակա չեն. «Կարող եմ ասել, որ իսկապես բավականին արդյունավետ, ինֆորմատիվ քննարկում էր: Բազմաթիվ մտահոգություններ, որ մենք ունեինք թե՛ որպես պատգամավոր, թե՛ որպես քաղաքացի, ստացան իրենց պատասխանը: Մենք շատ գործ ունենք անելու օրենսդրական դաշտում; Երկու հանձնաժողովներով պայմանավորվածություն ունեցանք ԳՇ-ի հետ աշխատելու»:
Իսկ Անդրանիկ Քոչարյանն ասաց, որ քննարկել են այնպիսի հարցեր, որոնք ունեն գաղտնիության ռեժիմ. «Փետրվար ամսին այն, ինչ տեղի ունեցավ մեր ԶՈՒ-ի հետ կապված, մեզ բոլորիս ստիպել է եւ ստիպում է ամեն ինչ անել բանակի համար: Այսօր բանակը պետք է չթիրախավորել, այլ ամեն մեկը՝ օրենսդիրը, գործադիրը, հասարակությունը, ՀԿ-ները, ընտանիքները պետք է լինել բանակի կողքին, որովհետեւ բանակն է, որ կայացնում է մեր ամբողջ անվտանգության համակարգը»:
Կարդացեք նաև
Հռիփսիմե ՋԵԲԵՋՅԱՆ
