Հռոմում ընթացող ազատ ոճի ըմբշամարտի Եվրոպայի առաջնությունում վերջինը պայքարի մեջ մտան գերծանր քաշայինները, որոնց մեջ էր նաեւ Հայաստանը ներկայացնող Լեւան Բերիանիձեն: Նա բրոնզե մեդալի համար գոտեմարտեց Ադրբեջանի դրոշի ներքո հանդես եկող դաղստանցի Ջամալադդին Մագոմեդովի հետ եւ վերջին 4 վայրկյանին ձեռքից բաց թողեց հաղթանակը եւ անմասն մնաց մեդալից:
Այսպիսով, այսօր Հայաստանի հավաքականից մեդալի հավակնում էր հինգ ըմբիշ, որոնցից երկուսը պիտի անցնեին սփոփիչ գոտեմարտով: Սակայն մեդալի (բրոնզե) արժանացավ միայն 61 կգ քաշային, արդեն Եվրոպայի նախկին չեմպիոն Արսեն Հարությունյանը:
Աշոտ ՀԱԿՈԲՅԱՆ
