Սուրբ Վալենտինի օրը եկեղեցական տոն է Անգլիական և Լյութերական եկեղեցիներում։ Սակայն վերջին տարիներին այս տոնը Հայաստանում լայն տարածում է ստացել: Սիրահար զույգերը ամեն տարի փետրվարի 14-ին նշում են սիրո տոնը, միգուցե անգամ ավելի մեծ հետարքրքությամբ, քան Սուրբ Սարգիսը:
Իսկ ինչպե՞ս են անցկացնում Սուրբ Վալենտինի օրը Երևանի միայնակ աղջիկները:
Մեր զրուցակից Աննան պատմեց. «Ես և ընկերուհիներս չունենալով ընտրյալ, անցկացնում ենք ամեն փետրվարի 14-ը միասին: Մենք՝ ինչու ոչ, նշում ենք այս օրը, սակայն նշում ենք միայն աղջիկների շրջանակում և տոնի անվանումը մեկ տառով փոխում՝ «Գալենտինի օր»: (Galentine’s day- gal-girl թարգմ. աղջիկ) »:
Երևանի միայնակ աղջիկները չեն տխրում և մնում տանը, նրանց համար սա պարզապես ևս մեկ առիթ է ընկերուհիներով մի-մի բաժակ գինի ըմպելու։
Կարդացեք նաև
Աննան շարունակեց. «Ես չեմ նեղվում, որ այսօր առանց զուգընկեր եմ: Ես և ընկերուհիներս տոնում ենք մեր անկախությունը, քանի որ այդտեղ ոչ մի տխրելու բան չկա, ինչպես ստիպում է մեզ մտածել հայկական մենթալիտետը»:
Սոնա Քաբաբյան
