«Մեծ շեշտ է դրվելու վարչական ռեսուրսի վրա, ամենայն հավանականությամբ՝ գործ ենք ունենալու կեղծիքների հետ, որովհետեւ 650 000 «այո» ապահովելը գործնականում անհնար է, քանի որ սա անձերի ընտրություն չէ: Մյուս կողմից, հանրությունն ավելի պասիվ է հանրաքվեների հանդեպ: Բացի այդ, իշխանության վարկանիշի անկում է գրանցվում»,-լրագրողների հետ ճեպազրույցում այսօր անդրադառնալով ապրիլի 5-ին սպասվող՝ ՍԴ նախագահ Հրայր Թովմասյանի եւ ՍԴ «հին կազմի» դատավորների պաշտոնավարման հարցով հանրաքվեին՝ ասաց «ՊոլիտԷկոնոմիա» հետազոտական ինստիտուտի ղեկավար, վերլուծաբան Անդրանիկ Թեւանյանը:
https://www.facebook.com/aravot.am/videos/2920613008001944/
«Արդեն իսկ երեւում է, որ վարչական ռեսուրս է օգտագործվելու: Համայնքապետերի վրա պլան է դրված, որ ձայներ ապահովեն: Համայնքի ղեկավարները ոչ հրապարակային հայտարարում են այդ մասին»,-համոզմունք հայտնեց Թեւանյանը:
Նրա խոսքով՝ այս տեսանկյունից պատահական չէ, որ սահմանադրական փոփոխությունների հանրաքվեի «այո»-ի շտաբը ղեկավարելու է Տարածքային կառավարման եւ ենթակառուցվածքների նախարար Սուրեն Պապիկյանը:
Կարդացեք նաև
Լուիզա ՍՈՒՔԻԱՍՅԱՆ
