«Ամեն ինչ հնարավոր է, հանրաքվեն կարող է չեղյալ լինել: Հնարավոր են եվրոպական կառույցների գնահատականներ, եւ կարող է լինել նաեւ ներքաղաքական այնպիսի իրավիճակ, որը կօգտագործվի՝ հանրաքվեն չեղյալ հայտարարելու համար»,-«Պոլիտէկոնոմիա» հետազոտական ինստիտուտի կազմակերպած՝ սահմանադրական անվտանգության թեմայով քննարկման ժամանակ այսօր անդրադառնալով ապրիլի 5-ին սպասվող՝ ՍԴ նախագահ Հրայր Թովմասյանի եւ ՍԴ «հին կազմի» դատավորների պաշտոնավարման հարցով հանրաքվեին՝ ասաց ԱԺ նախկին պատգամավոր Ռուբեն Հակոբյանը:
Նրա խոսքով՝ Փաշինյան եւ Անգելա Մերկել հանդիպման ժամանակ Մերկելը խորհուրդ է տվել, որ հանրաքվեի վերաբերյալ Վենետիկի հանձնաժողովի գնահատականին ուշադրություն դարձնել. «Այդ ձեւակերպումը չներկայացվեց, այդ հատվածը բաց թողնվեց»:
Ինչ վերաբերում է ներքաղաքական հնարավոր պատճառներին, Հակոբյանն ասաց՝ դեռեւս մարտիմեկյան իրադարձություններից ճանաչում է Փաշինյանի ձեռագիրը:
https://www.facebook.com/aravot.am/videos/504603563573757/
Կարդացեք նաև
«Ի՞նչ է նշանակում «շնաբարո դուրսպրծուկներ» արտահայտությունը: Այստեղ բացառվում է մասնագիտական-քաղաքագիտական բանավեճը, սա փողոցային կռվի հայտ է: Մեր խնդիրը պետք է լինի սադրանքին չենթարկվելը: Հաշվի առնենք, որ մարտի մեկն էլ հրահրումներով եղավ: Փաշինյանն այս կեցվածքով արագացնում է իշխանափոխությունը: Եթե քաղաքացին չհասկանա, որ իրեն շահագործում են, սպառնում, հավաքական կերպարի հետ խնդիր կունենանք»,-համոզմունք հայտնեց Ռուբեն Հակոբյանը:
Լուիզա ՍՈՒՔԻԱՍՅԱՆ
