Թուրքիան այսօր էլ թաքցնում է Օսմանյան կայսրության ժամանակաշրջանում Հայոց ցեղասպանության մասին վկայությունները: Ինչպես հաղորդում է Al Arabiya պարբերականը, այս մասին հայտարարել է թուրք պատմաբան Թաներ Աքչամը:
Նրա խոսքով՝ թուքական իշխանությունները թաքցնում են պատմական հեռագրերը, որոնք կարող են տեղեկատվություն հաղորդել Հայոց ցեղասպանության մասին: Պատմաբանը հավատացած է, որ թուրքական կառավարությունը իմացել է Հայոց ցեղասպանությանը վերաբերող հեռագրերի գոյության մասին, քանի որ 1919թ. դրանք օգտագործվում էին Ստամբուլի պետական ռազմական տրիբունալներում:
«Դատախազները մեղադրական եզրակացություններ ու դատավճիռներ են գրել՝ հիմնվելով հենց այդ հեռագրերի վրա »,- պարբերականին տված հարցազրույցում ասել է Թաներ Աքչամը և հավելել, որ փաստաթղթերը հայտնաբերել է մասնավոր, ոչ թե պետական արխիվում:
Պատմաբանը նաև շեշտել, որ Թուրքիայում կան մարդիկ, որոնք պայքարում են Հայոց ցեղասպանության ճանաչման համար: «Սա քաղաքացիական իրավունքի շարժման, Թուրքիայում ժողովրդավարության ու մարդու իրավունքների պաշտպանության պայքարի մաս է կազմում»,- ասել է Թաներ Աքչամը:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
