Սիրիայի խորհրդարանը միաձայն ընդունել է Հայոց ցեղասպանությունը ճանաչող և դատապարտող բանաձևը: Այս մասին հաղորդում է սիրիական SANA պետական գործակալությունը:
Ավելի վաղ Սիրիա-Հայաստան խորհրդարանական բարեկամության հանձնախումբը խորհրդարանին ներկայացրել էր 20-րդ դարում Օսմանյան կայսրության կողմից Հայոց ցեղասպանության և սիրիացի ժողովրդի այլ ներկայացուցիչների ցեղասպանության ճանաչումն ու դատապարտումը հաստատող բանաձևը:
Նշենք, որ վերջին տարիներին թուրք-սիրիական հարաբերությունները բավականին լարված են:
Պատրաստեց՝ Վիկտորյա ԱՆԴՐԵԱՍՅԱՆԸ
