ԱԺ-ում այսօր առաջին ընթերցմամբ քննարկվում է «Գովազդի մասին» ՀՀ օրենքում լրացում կատարելու օրինագիծը, որով առաջարկվում է ֆիզիկական եւ իրավաբանական անձանց արգելել ձեռնարկատիրական գործունության իրականացման հետ կապված հայտարարություններ տեղադրել Երեւանի ընդհանուր օգտագործման տարածքներում՝ հենասյուների, էլեկտրասյուների, ծառաբների, քաղաքային կահավորանքի վրա:
«Իմ քայլի» պատգամավոր, օրինագծի հեղինակ Արթուր Հովհաննիսյանը նշեց, որ բացառություն են լինելու բազմաբնակարան շենքերի բակերում եւ այլ տարածքներում այդ նպատակով տեղադրվելիք վահանակները:
«Տարբեր հատվածներում թղթերի վրա գովազդներ են փակցված, որոնք փչացնում են քաղաքի տեսքը: Օրինագծով՝ այդ նպատակով կտեղադրվեն անվճար վահանակներ, որոնց վրա կտեղադրվեն այդ գովազդները՝ չփչացնելով քաղաքի արտաքին տեսքը»,-ասա Արթուր Հովհաննիսյանը:
Նա նաեւ տեղեկացրեց, որ օրենքի իրագործման նպատակով Երեւանի քաղաքապետարանը կհայտարարի մրցույթ, եւ անհրաժեշտ քանակության գովազդային վահանակները կտեղադրվեն բոլոր վարչական շրջաններում:
Կարդացեք նաև
Լուիզա ՍՈՒՔԻԱՍՅԱՆ
