«Իշխանությունները չգնացին միակ ճիշտ ճանապարհով։ Ողջ այս ընթացքում, որքան էլ կողքից՝ տարբեր գործիչներ հուշում էին, որ Սահմանադրական դատարանի շուրջ ընթացող զարգացումները փակուղի են տանում, որ դատական իշխանությունը լուրջ բարեփոխման կարիք ունի, որ ուժային կառույցները պետք է կառուցվածքային լուրջ փոփոխությունների ենթարկվեն եւ մեր իրականությանը համահունչ դառնան, իշխանությունների կողմից լուրջ ուշադրության չէին արժանանում։ Մերժում էին սահմանադրական փոփոխություններ իրականացնելու միտքն անգամ։ Միայն վերջերս են հանգել դրան։ Ստեղծված այս իրավիճակում հանրաքվեն, իհարկե, սահմանադրական դատարանի խնդրի լուծման ճանապարհ է, բայց, կրկնվեմ, շատ ավելի ճիշտ կլիներ, որ սպասվող հանրաքվեին՝ սահմանադրության առանձին հոդվածների փոխարեն, նոր սահմանադրության տեքստ դրված լիներ»,- «Առավոտի» հետ զրույցում ասաց իրավապաշտպան Վարդան Հարությունյանն`անդրադառնալով ՍԴ-ի շուրջ ստեղծված խնդիրը հանրաքվեով լուծելու որոշմանը։
Հարցազրույցն ամբողջությամբ՝ տպագիր «Առավոտի» այսօրվա համարում
