«Նախադպրոցական կրթության մասին» օրենքում փոփոխությունների նախագիծը, որն Ազգային ժողովում դեռեւս պետք է անցնի երկրորդ ընթերցում, նախատեսում է, որ բոլոր նախադպրոցական կրթական հաստատությունները պետք է դառնան ներառական:
Ոլորտի խնդիրների վերաբերյալ խորհրդարանում աշխատանքային քննարկման ընթացքում այսօր լրագրողների հետ զրույցում ԿԳՄՍ նախարար Արայիկ Հարությունյանը տեղեկացրեց՝ կարեւոր փոփոխությունների թվում է համընդհանուր ներառականության գործընթացում մանկապարտեզների ներգրավումը. «Օրինագծում զգալի կարգավորումներ են տրված: Այն թույլ կտա նախադպրոցական ուսումնական հաստատություն հիմնելու դեպքում ֆինանսական խնդիրներ ունեցող համայնքներին աջակցել, առաջարկել մոդելներ, որ կարողանան իրականացնել»:
Թե ինչպես են գործող մանկապարտեզները հասցնելու իրենց պայմանները հարմարեցնել հաշմանդամություն ունեցող երեխաների կարիքներին, նախարարն ընդգծեց. «Պատրանք չունենք, որ օրենքի ուժի մեջ մտնելուց բոլոր խնդիրները լուծվելու են: Բայց կան անցումային դրույթներ, ըստ որոնք համընդհանուր ներառման կանցնենք»:
Կարդացեք նաև
Լուիզա ՍՈՒՔԻԱՍՅԱՆ
