Aravot.am-ը ԿԳՄՍ նախարար Արայիկ Հարությունյանից հետաքրքրվեց` ինչ ճակատագիր է սպասվում լուծարված Կրթության ազգային ինստիտուտի աշխատակիցներին, որոնք այսօր ցույց են անելու նախարարության շենքի առաջ: Նախարարը հրաժարվեց մեկնաբանել, ընդամենն ասաց, որ այդ հարցին պատասխանել է ԱԺ-ում: «Գործընթաց կա, եւ այդ գործընթացն ընթացքում է»,-ասաց նա:
Նաեւ հետաքրքրվեցինք` արդյոք գո՞հ էր իր տեղակալ Արեւիկ Անափիոսյանի աշխատանքից, որ վերջերս ազատվել է աշխատանքից: Նախարարն այս հարցին չպատասխանեց` ասելով, որ արդեն անդրադարձել է:
Հիշեցնենք, որ ներկայումս ԿԳՄՍ փոխնախարարներից երկուսը` Լուսինե Առաքելյանն ու Արեւիկ Անափիոսյանն ազատված են աշխատանքից, իսկ Գեւորգ Լոռեցյանը կալանավորված է:
Գոհար ՀԱԿՈԲՅԱՆ
