Փետրվարի 9-ի լույս 10-ի գիշերը Լոս Անջելեսի Dolby թատրոնում տեղի է ունեցել «Օսկար» հեղինակավոր 92-րդ մրցանակաբաշխությունը:
Լավագույն ֆիլմ անվանակարգում հաղթող է ճանաչվել հարավկորեացի ռեժիսոր Պոն Ջուն Հոյի «Մակաբույծ» ֆիլմը: «Մակաբույծ»-ը օսկար է ստացել ներկայացված վեց անվանակարգերից չորսում, այդ թվում՝ օրիգինալ սցենարի ու լավագույն ռեժիսուրայի համար:
Նշենք, որ «Լավագույն ֆիլմ» անվանակարգում առաջադրվել էին «Մի անգամ Հոլիվուդում», «Իռլանդացին», «Մակաբույծը», «1917», «Ամուսնական պատմություն», «Ջոջո նապաստակը», «Ջոքեր», «Փոքրիկ կանայք», «Ford-ն՝ ընդդեմ Ferrari-ի» կինոնկարները:
«Լավագույն դերասան» անվանակարգում հաղթող է ճանաչվել Խոակին Ֆենիքսը «Ջոքեր» ֆիլմում դերակատարման համար: Նրա հետ այդ անվանակարգում մրցում էին Անտոնիո Բանդերասը, Լեոնարդ Դի Կապրիոն, Ադամ Դրայվերը, Ջոնաթան Փրայսը:
Կարդացեք նաև
«Լավագույն դերասանուհի» է ճանաչվել Ռենե Զելվեգերը՝ «Ջուդի» ֆիլմում մարմնավորած կերպարի համար:
Երկրորդ պլանի լավագույն դերասան է ճանաչվել Բրեդ Փիթը՝ «Մի անգամ․․․Հոլիվուդում» ֆիլմի համար, իսկ երկրորդ պլանի լավագույն դերասանուհին Լորա Դերնն է («Ամուսնական պատմություն»):
Պատրաստեց՝ Վիկտորյա ԱՆԴՐԵԱՍՅԱՆԸ
