Երեւանի քաղաքապետարանից պարզաբանել են, թե Մենուա Հարությունյանին ինչու թույլ չեն տվել ՀՀ 2-րդ նախագահ Ռոբերտ Քոչարյանի նկարով «Դե Ֆակտո» ամսագրի շապիկը փակցնել քաղաքում գովազդային վահանակների վրա:
Դեռ հունվարի սկզբին Մենուա Հարությունյանը հայտարարել էր, որ Ռոբերտ Քոչարյանի իշխանության տարիներին ինքը Նիկոլ Փաշինյանի նկարը դրել էր «Դե Ֆակտո» ամսագրի շապիկին ու այդ շապիկը փակցրել Երևանի կենտրոնի գովազդային վահանակներին. «Իսկ այսօր, երբ Նիկոլն ա իշխում, ինձ թույլ չեն տալիս Ռոբերտ Քոչարյանի նկարով նույն «Դե Ֆակտո»-ի շապիկը փակցնել՝ Երևանում առկա վահանակների վրա …Նույն «Դե Ֆակտո» ամսագրի շապիկը, որի վրա այլ մարդ է փակցված, թույլ տալիս են վահանակներին տեղադրել , իսկ Նախագահ Քոչարյանի դեպքում թույլ չեն տալիս…
Սա է Նիկոլի ժողովրդավարության ու մամուլի ազատության մասին պատկերացումները… »:
Քաղաքապետարանից պարզաբանեցին, որ «Անհրաժեշտ է ներկայացնել գովազդային ուրվանկարում առկա «Տարվա գիրք 2019» բովանդակությունը հավաստող համապատասխան փաստաթղթերը» :
Կարդացեք նաև
Արփինե ՍԻՄՈՆՅԱՆ
