Նիկոլ Փաշինյանի ներկայացրած 100 փաստերի մի մասից շատերին անդրադարձել ենք նախորդ հրապարակմամբ։ Դրանցից շատերն ուղղակի կապ չունեն կառավարության գործունեության հետ եւ հեռու են իրականությունից։ Փաստերի մեջ տեղ են գրավում նաեւ դրույթներ, որոնցով Փաշինյանն ուզում է ցույց տալ, ընդգծել իր առավելությունը նախորդ իշխանությունների նկատմամբ։ Սակայն դրանցից շատերն ակներեւ սուտ են։
Օրինակ. «Զբաղվածության մակարդակը 2019 թվականի երրորդ եռամսյակում բարձրացել է մինչեւ 49,3%՝ 2018-ի 46,8%-ի եւ 2017-ի 46,3%-ի փոխարեն։ Միեւնույն ժամանակ, 2019-ի երրորդ եռամսյակում Հայաստանում գործազրկության մակարդակը նվազել է մինչեւ 18%՝ 2018-ի 20,1%-ի եւ 2017-ի 19,9%-ի փոխարեն»։ Սա չի կարող համապատասխանել իրականությանը՝ այն դեպքում, երբ համատարած կրճատումներ են գնում պետական կառույցներում, օպտիմալացվեցին նախարարություններ, փակվեցին գիշերօթիկ դպրոցներ, տուն-ինտերնատներ, ծննդատներ, տարբեր պետական կառույցների աշխատակիցներ ազատվեցին։
Ըստ Փաշինյանի, իր կառավարությանը 2018-ին հաջողվել է աղքատությունը 2017-ի համեմատ կրճատել։ Դա հերթական մանիպուլյացիան է, որին դիմել է թե՛ Սերժ Սարգսյանի իշխանությունը, թե՛ Փաշինյանի։ Իսկ Հայաստանում աղքատների թիվը չի նվազում, եթե չասենք՝ աճում է։
Նաիրա ՎԱՆՅԱՆ
Կարդացեք նաև
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
