Ընտրությունների մոնիթորինգի և Ժողովրդավարական ուսումնասիրությունների կենտրոնը (EMDS) փաստում է, որ Ադրբեջանում փետրվարի 9-ին նշանակված խորհրդարանական ընտրությունների նախաշեմին պահպանվում են խաղաղ հավաքների, ազատ արտահայտման սահմանափակումները, իսկ Ընտրական օրենսգիրքը չի ապահովում իրական մրցունակ միջավայր:
EMDS-ը նկատել է բազմաթիվ խախտումներ թեկնածուների գրանցման և առաջադրման ժամանակ, միևնույն ժամանակ կենտրոնը ընդգծել է, որ նման խախտումներ Ադրբեջանում գրանցվել են 2005թ. խորհրդարանական ընտրություններից ի վեր: Մեծ մասամբ խախտումներ տեղ են գտել ընդդիմադիր և անկախ թեկնածուների նկատմամբ, որոնք ենթարկվել են ահաբեկումների տեղի գործադիր իշխանությունների, ընտրական հանձնաժողովների կողմից:
Բացի այդ քարոզարշավի ընթացքում ճնշումների ենթարկվել են նաև քաղհասարակության անդամները, քաղաքական ակտիվիստները, թեկնածուները, վերջիններիս ընտանիքների անդամները: Միևնույն ժամանակ ադրբեջանական իշխանությունները քաղաքական կամք չեն դրսևորել՝ ավելի քան 100 մարդու ազատ արձակելու համար, որոնք բանտերում են քաղաքական դրդապատճառներով:
Համանման սահմանափակումները EMDS-ը փաստել է նաև 2019թ. դեկտեմբերի 23-ին Ադրբեջանի ՏԻՄ ընտրությունների ժամանակ:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
