Նոր իշխանությունների օրոք էլ բանակում զոհեր ու ինքնասպանություններ են լինում, դուք խոսում եք բարեփոխումներից, բայց մենք տեսնում ենք, որ Ստեփանակերտին մոտ գտնվող այդ զորամասում տարօրինակ կերպով բարձրաստիճան պաշտոնյաների որդիներ են հայտնվում, արդյոք կասկածելի չէ՞, այդ ամենը հարցերին, Անվտանգության խորհրդի քարտուղար Արմեն Գրիգորյանն այսօր կառավարության նիստից հետո լրագրողների հետ զրույցում պատասխանեց. «Խնդիրն, իսկապես, խորքային է եւ բազմաշերտ է, այսօր ՊԲ-ն հայտարարություն է տարածել, մենք գնում ենք լուծումների ճանապարհով: Համոզված եմ, որ այդ լուծումները շուտով ավելի տեսանելի կլինեն: Հաշվի առնելով բանակի առանձնահատկությունը, որոշ դեպքերում, այսպես ասած, փակ կառույց լինելով, դժվար է լինում հնարավորինս բաց, հրապարակային խոսել, բայց այն որ այդ բոլոր բարձրացված հարցերը մեր օրակարգում է եւ վարչապետի օրակարգում է, կարող եմ միանշանակ ասել: Համոզված եմ, որ ձեռնարկված քայլերը իրավիճակը որոշակի մեղմելու են եւ, հետագայում էլ փոփոխություններ կատարելու հնարավորություն են ստեղծելու»:
ԱԽ քարտուղարի խոսքի մանրամասները՝ տեսանյութերում:
Կարդացեք նաև
Լուսինե ԲՈՒԴԱՂՅԱՆ
