«Որեւէ անհամաձայնություն չկա: Համացանցում գրում են, որ 37 պատգամավորներ են ստորագրել, 38-րդը չի ստորագրել…եթե պետք լինի, 88-ս էլ կստորագրենք: Բոլորիս մոտ այն կարծիքն է, որ ՍԴ ճգնաժամը լուծվելու է: Որեւէ գաղտնիք չկա, որ սա արվում է այդ ճգնաժամի լուծման համար: Այն շատ շուտով լուծվելու է»,-լրագրողների հետ զրույցում այսօր ասաց ԱԺ փոխնախագահ Ալեն Սիմոնյանը՝ անդրադառնալով ՍԴ-ն շրջանցող «Իմ քայլի» 37 պատգամավորների օրինագծին, որն այսօր հետ կանչվեց: «Թե ինչու հետ կանչվեց, հիմա հստակ չեմ ասելու»,-նշեց Ալեն Սիմոնյանը:
https://www.facebook.com/aravot.am/videos/509139833073043/
Նրա խոսքով՝ նախագծի հետկանչման մեջ որեւէ անփութության խնդիր չկա, սա մարտավարություն է, եւ ամեն ինչ մինչեւ վերջ է արվելու:
Ինչ վերաբերում է գործընթացի շուրջ ԼՀԿ ղեկավար Էդմոն Մարուքյանի մտահոգություններին, Ալեն Սիմոնյանը համոզմունք հայտնեց, որ Մարուքյանը զգացմունքներին է տրվում, ձեռքերով թափահարում, Հրայր Թովմասյանի հետ տեսախցիկների միջոցով խոսում. «Կլասիկ գործիչներն այդպես չեն շտապում եւ խոսում սահմանադրական կարգի տապալման մասին»:
Կարդացեք նաև
Հիշեցնենք՝ ԱԺ արտահերթ նիստում այս պահին քննարկվում է «Իմ քայլի» 37 պատգամավորների հեղինակած նախագիծը, որով առաջարկվում է չեղյալ համարել Սահմանադրության 213 հոդվածը, որի արդյունքում կդադարեցվեն ՍԴ դատավորների, բացառությամբ Վահե Գրիգորյանի եւ Արման Դիլանյանի, լիազորությունները:
Լուիզա ՍՈՒՔԻԱՍՅԱՆ
