ԱԺ խորհրդի նիստն ավարտվեց ու որոշվեց, որ վաղը արտահերթ նիստը կկայանա: «Իմ քայլը» խմբակցության ղեկավար Լիլիթ Մակունցը լրագրողների հետ զրուցում ասաց, որ օրակարգի բոլոր հարցերը խորքային քննարկելու են:
Իսկ «Լուսավոր Հայաստան» խմբակցության ղեկավար Էդմոն Մարուքյանն ասաց. «Մենք դեմ ենք քվեարկել բոլոր նախագծերին՝ նիստը արտահերթ անցկացնելուն, հատուկ նիստ հրավիրելուն, քննարկվող բոլոր որոշումներին մենք դեմ ենք քվեարկել: Բնականաբար, բոլոր նախագծերն ունեն քաղաքական բնույթ, ինչ վերաբերում է սահմանադրականությանը, դրա մասին կխոսենք»:
Լրագրողները հետաքրքրվեցին՝ 37 պատգամավոր է ստորագրել այն նախագծի տակ, որով առաջարկում են չեղյալ համարել Սահմանադրության 213 հոդվածը, որի արդյունքում կդադարեցվեն ՍԴ դատավորների, բացառությամբ Վահե Գրիգորյանի եւ Արման Դիլանյանի, լիազորությունները, չեն ստորագրել պետաիրավական հանձնաժողովի նախագահը, ինչպե՞ս կմեկնաբանեք՝ Մարուքյանը պատասխանեց. «Ես նկատեցի, որ ստորագրողների մեջ չկան «Իմ քայլը» դաշինքի իրավաբան պատգամավորներ, նրանք կամ նպատակային չեն ստորագրել, բայց ամեն դեպքում պետք է քվեարկեն, կամ ինչ-որ միտում կա»:
Մարուքյանն ասաց, որ ասել են ինչո՞ւ է հրատապությունը նման նախագիծ բերելու, «Իմ քայլից» որեւէ հոդաբաշխ բացատրություն չեն լսել, ուստի խորհրդի 5 անդամները դեմ են քվեարկել. «Լուսավոր Հայաստանից» ես եւ տիկին Թանդիլյանն ենք, ԲՀԿ-ից չեմ կարող ասել»:
Կարդացեք նաև
Հռիփսիմե ՋԵԲԵՋՅԱՆ
