Ամերիկացի հայտնի բլոգեր Դևիդ Հոֆմանը հոլովակ է հրապարակել YouTube-ի իր ալիքում՝ Հայաստանից դեպի Արցախ ճամփորդությունից: Բլոգերը Հայաստան էր այցելել 2019թ. հոկտեմբերին:
Հոֆմանը՝ իր զբոսավար Լուսինեի հետ Արցախ է մեկնել Գեղարքունիքի մարզով, այցելել է Սևանավանք, Ենոքավան: Ճանապարհին Լուսինեն Հոֆմանին բացատրել է, որ Արցախը Լեռնային Ղարաբաղի պատմական անվանումն է:
Բլոգերի խոսքով՝ Արցախի վայրի և շատ գեղեցիկ բնությունը մեծ տպավորություն է թողել իր վրա: Հոֆմանը համտեսել է ավանդական ժենգյալով հաց:
«Գալով Լեռնային Ղարաբաղ՝ մենք փորձեցինք տեղի ավանդական հացը, որում 17 տեսակի կանաչի կա… Արտակարգ թեթև և առողջ սնունդ: Ինձ դուր եկավ: «Ամենականաչ» հացն է, որ երբևէ կերել էի»,-պատմում է Հոֆմանը:
Կարդացեք նաև
Ամերիկացի բլոգերն Արցախում այցելել է նաև մի շարք պատմական վայրեր:
Պատրաստեց՝ Վիկտորյա ԱՆԴՐԵԱՍՅԱՆԸ
