Հայաստանն ընդգրկվել է ամենաարագ զբոսաշրջային աճ գրանցող երկրների քսանյակի մեջ։ Ինչպես հաղորդում է բրիտանական The Independent պարբերականը, այս մասին վկայում են ՄԱԿ–ի համաշխարհային զբոսաշրջային կազմակերպության (UNWTO) ուսումնասիրությունները:
2019թ. Հայաստանը գրանցել է 14.4 % աճ՝ զբաղեցնելով 12-րդ հորիզոնականը: Տարածաշրջանի երկրներից Իրանը (27.9%), Թուրքիան (14%) և Ադրբեջանը (11. 4%) զբաղեցնում են համապատասխանաբար 3-րդ, 13-րդ և 17-րդ տեղերը: Զբոսաշրջության առավելագույն աճը գրանցվել է Մյանմարում՝ 40.2%, որին հաջորդում է Պուերտո Ռիկոն 31.2%-ով:
Ամենահաճախ այցելվող երկրների ցանկում առաջատարը Ֆրանսիան է, որտեղ 2019թ. այցելել է ավելի քան 90 միլիոն զբոսաշրջիկ, որին հաջորդում է Իսպանիան (83.8 միլիոն զբոսաշրջիկ):
Պատրաստեց՝ Վիկտորյա ԱՆԴՐԵԱՍՅԱՆԸ
