Ադրբեջանի ներկայիս իշխանությունները ապակողմնորոշում են ադրբեջանցի ժողովրդին պատմական տիրույթում՝ այս կերպ պատճառելով ավելի շատ վնաս, քան ամբողջ աշխարհի հայերը միասին վերցրած: Նման գրառում Facebook սոցիալական ցանցում կատարել է ռուս գրող Ալեքսանդր Ֆոմենկովը՝ արձագանքելով ադրբեջանական կողմի մեղադրանքին առ այն, որ «հայերը գնել են իրեն»:
«Ձեզ խաբում են, ընկերներ: Ադրբեջանական պետություն երկրի վրա գոյություն չի ունեցել ընդհուպ մինչև 1991թ. (Ադրբեջանի Ժողովրդական Հանրապետությունը գոյություն է ունեցել միայն թղթի վրա): Իսկ ադրբեջանցի ազգը՝ որպես այդպիսին, սկսել է ձևավորվել միայն անցած հարյուրամյակի 30-ական թվականներից»,-գրել է նա:
Ֆոմենկովի խոսքով՝ ադրբեջանցիներին միտումնավոր մոլորեցնում են, որպեսզի հեշտ լինի նրանց մանիպուլացնել և իշխել: Նա նաև նշել է, որ այն ժողովուրդը, որը չգիտի իր իրական պատմությունը և ապրում է սուտ պատկերացումներով, ապագա չունի:
Պատրաստեց՝ Վիկտորյա ԱՆԴՐԵԱՍՅԱՆԸ
