Մարտի 1-ի գործի շրջանակում ՀՀ սահմանադրական կարգի տապալման համար մեղադրվող ՀՀ երկրորդ նախագահ Ռոբերտ Քոչարյանի եւ մյուս նախկին պաշտոնյաների գործով հերթական դատական նիստում այսօր սահմանադրական կարգի տապալմանն օժանդակելու համար մեղադրվող ՀՀ նախկին փոխվարչապետ Արմեն Գեւորգյանի շահերի պաշտպան Էրիկ Ալեքսանյանը դատարանին միջնորդեց Արմեն Գեւորգյանի հանդեպ քրեական հետապնդումը դադարեցնել՝ հանցակազմի բացակայության հիմքով:
Պաշտպանը նշեց, որ սահմանադրական կարգի տապալմանն առնչվող հոդվածը որոշակիության ցածր աստիճան ունի, բացի այդ՝ հայտնի չի դեպք, որ սահմանադրական կարգի տապալման մասին հաղորդումների վերաբերյալ իրավապահները հարուցեին քրեական գործեր եւ իրականացնեին նախաքննություններ:
Ռոբերտ Քոչարյանի պաշտպաններն էլ ներկայացրին Քոչարյանի հանդեպ քրեական հետապնդումը դադարեցնելու միջնորդություն։ Նրա պաշտպաններից Հովհաննես Խուդոյանը համոզմունք հայտնեց, որ Ռոբերտ Քոչարյանի հանդեպ գործընթացն իրավական բնույթի փոխարեն քաղաքական ենթատեքստ ունի։
Կարդացեք նաև
https://www.facebook.com/aravot.am/videos/473091720032848/?__xts__[0]=68.ARAhIY-dTVuxIE9kdr8Bk1jTKQwZho0KjFK5ikVeSdmh1Gvu3Jso3OJHMR0bjFw9kKKiCfpXSolD5ixyjEL1ZkInSDQ8cuAfjMenp6HRMDBSUF2b_UoUAXYywNboQb2Yl6DUWEunbioLnwQ-VidsFQksM4Yu1yACORVYwBMTesYMOHnMMqwvIiT98SmJXNl867FJ94f7Mq5PGnNvttIoVCpVMHu1Cvku644XVYdYZfofVlOqTgUgG62d5HxVYbuBrbEJ8AAbWra_qz8glGZk3uK1W_sEd8EU0IpiGUiCtlDnWZjQIVqFax-Da_4sykL4hoMkXllD0vGYVoh9G-FRdekHDmp0g2ITrcs&__tn__=-R
Լուիզա ՍՈՒՔԻԱՍՅԱՆ
