Կորոնավիրուսի հայտնաբերման նոր ռեագենտներով՝ թեսթերով ՀՀ-ում մեկ անձի հետազոտել են, պատասխանը բացասական է եղել, այսինքն՝ կորոնավիրուս չի հայտնաբերվել:
Այսօր այս մասին լրագրողների հետ հանդիպմանն ասաց ՀՀ ԱՆ հիվանդությունների վերահսկման եւ կանխարգելման ազգային կենտրոնի փոխտնօրեն Նունե Բակունցը:
Երեկ առողջապահության նախարար Արսեն Թորոսյանը հայտարարել էր՝ ստացել են կորոնավիրուսի ախտորոշման լաբորատոր թեստերը: Այս թեսթերի միջոցով էլ կատարվել է առաջին հետազոտությունը:
Կարդացեք նաև
Նունե Բակունցն ասաց, որ հետազոտվել է մի քաղաքացի, որի մոտ կորոնավիրուսի վարակի կասկած կար: Իսկ թե ով է, որ երկրի քաղաքացի կամ ինչ ազգության, Բակունցը հրաժարվեց պատասխանել այս հարցերին, նշելով՝ տեղյակ չէ:
Նույն կենտրոնի վիրուսաբանական լաբորատորիայի վարիչ Շուշան Սարգսյանն էլ ասաց, որ հետազոտված քաղաքացին եղել է Չինաստանում, այնտեղից վերադարձել է եւ ունեցել է ջերմություն:
Բակունցն ասաց, որ թեսթերը ստացել են ՌԴ-ից՝ Ռոսպատրեբնադզորն է տրամադրել:
Նելլի ԲԱԲԱՅԱՆ
