«1998թ.-ին ծննդաբերել եմ առաջնեկիս՝ տղայի: 7 օր ապրելուց հետո ինձ ասացին, որ երեխան նորմալ վիճակում է: Հաջորդ օրն առավոտյան ասել են, որ երեխան մահացել է»,-Երեւանի ընդհանուր իրավասության դատարանի դիմաց այսօր հայտարարեց բողոքի գործողության մասնակից մայրերից մեկը՝ ասելով, որ մինչ օրս չգիտի՝ իր առաջնեկն ո՞ւր է:
Առողջապահության փոխնախարար Արսեն Դավթյանի եւ «Հանրապետական ծննդատան» տնօրեն Ռազմիկ Աբրահամյանի կաշառքի գործով հերթական դատական նիստին այսօր ներկա են մայրեր, որոնց պնդմամբ՝ ծննդատան տնօրեն Ռազմիկ Աբրահամյանի ձեռքի գործն է իրենց երեխայի կորուստը:
Հիշեցնենք, որ Ռազմիկ Աբրահամյանը մեղադրյալ է նաեւ երեխաների ապօրինի որդեգրման գործով:
«Ոչ մի թուղթ, ոչ մի տվյալ, ոչ մի բան չունեի: Հիմա տվյալներս փաստաբանի մոտ են, ուզում եմ հետաքրքրվել, հասկանալ, թե ուր է իմ երեխան: Այն ժամանակ ինձ որեւէ մեկը չի ուղղորդել, չի ասել, որ ստանամ երեխայիս մահվան վկայականը»,-ասաց երեխային չտեսած մայրը:
Կարդացեք նաև
https://www.facebook.com/aravot.am/videos/2706403056074087/
Լուիզա ՍՈՒՔԻԱՍՅԱՆ
