«Պոլսի հայոց պատրիարքն ասում է այն, ինչ պետք է ասի: Իրականում, մեր պատրիարքների հայտարարություններում բովանդակային առումով բան չի փոխվում, եւ դա պայմանավորված է նրանով, որ իրենք կոնկրետ քաղաքական-սոցիալական միջավայրում են ապրում եւ ստիպված են ասել այն, ինչ ասում են»,-լրագրողների հետ ճեպազրույցում այսօր անդրադառնալով Պոլսի նորընտիր հայոց պատրիարք Տ. Սահակ Եպիսկոպոս Մաշալյանի հայտարարությանը, թե Թուրքիայի հայ համայնքը տարբերվում է հայկական սփյուռքից, որը 100 տարի հետ է մնացել, որովհետեւ իր հիշողության մեջ շարունակում է կրել ցեղասպանության ողբերգությունը, ասաց ՀՀ վարչապետի աշխատակազմի սփյուռքի գործերի գլխավոր հանձնակատար Զարեհ Սինանյանը:
https://www.facebook.com/aravot.am/videos/571013333454244/
Նա նշեց՝ իր մոտեցումը նույնն է պատրիարքի նաեւ այն հայտարարության շուրջ, որը քննադատում էր ԱՄՆ սենատի՝ Հայոց ցեղասպանության ճանաչման բանաձեւի ընդունումը: «Երբ երիտասարդ էի, նման հայտարարությունները սրտին մոտ էի ընդունում: Հիմա հասկանում եմ, որ դրանք արտացոլում են այն քաղաքական-հասարակական միջավայրը, որտեղ ապրում են Պոլսի հայոց պատրիարքները»,-նշեց Զարեհ Սինանյանը:
Լուիզա ՍՈՒՔԻԱՍՅԱՆ
