Այսօր կառավարության շենքի մոտ բողոքի ցույց էին անում բանակում խաղաղ պայմաններում զոհված զինծառայողների մայրերը. նրանք վրդովված են, վարչապետ Փաշինյանն իրենց որդիներին չի հիշել բանակի օրը:
Aravot.am-ի հետ զրույցում Նանա Մուրադյանն ասաց. «Բանակի օրը երբ վարչապետ Նիկոլ Փաշինյանը բոլոր զինվորներին անդրադարձավ, բոլորի տոնը շնորհավորեց՝ ես շատ եմ զայրացել, ես շատ եմ հիասթափվել, որ պարոն վարչապետը մի անգամ, գոնե մի նախադասությամբ չհիշեց մեր որդիներին: Մենք տարիներ շարունակ կռիվ ենք տվել նախկին իշխանությունների հետ այն օրվա համար, որ երբեք չեն անդրադարձել խաղաղ պայմաններում զոհված զինծառայողներին, ծնողներին, որ այդ զինվորներն էլ են գնացել սահման պահելու, հայրենիքը պաշտպանելու, ու ոչ մի անգամ ոչ մի նախադասություն չի եղել: Ու այս անգամ, այս տարի նորից Նիկոլ Փաշինյանը չհիշեց մեր որդիներին: Հիշեցնեմ պարոն Փաշինյանին՝ մեր որդիներն էլ են բանակ գնացել, զինվոր եղել, հայրենիքը պաշտպանել, բայց հայրենիքը հոշոտեց նրանց, իրենց ներսի թշնամու ձեռքով են զոհվել մեր երեխեքը: Պարոն Փաշինյանը պարտավոր էր հիշել մեր որդիներին: Եթե թողնենին մեր որդիները կենդանի մնային, մեր որդիներն էլ կպայքարեին թշնամու դեմ: Ամոթ էս երկրի ղեկավարներին, ոչինչ չեն անում, որ հանցագործների ձեռքը բռնեն, որպեսզի չշարունակվի հանցագործությունը, բայց շարունակում են պարգեւատրել: Ոչ ոք չի պատժվում, դրա համար էլ շարունակվում են սպանությունները»:
Կարդացեք նաև
Նելլի ԲԱԲԱՅԱՆ
