Ադրբեջանի ուժային կառույցներում կարեւոր փոփոխություններ եղան, բայց դրանք շարունակում եմ մնալ ալիեւյան թեւի`նախիջեւանյան կլանի վերահսկողության տակ. այսօր «Օրբելի» կենտրոնի կազմակերպած քննարկման ժամանակ նման դիրքորոշում հայտնեց ադրբեջանագետ Սոնա Սուքիասյանը: Փետրվարի 9-ին Ադրբեջանում տեղի են ունենալու արտահերթ խորհրդարանական ընտրություններ, սակայն, փորձագետի դիտարկումներով, նախընտրական պայքարը լարված չէ: Նրա փաստմամբ, ընդդիմությունը բավական թույլ է Ադրբեջանում, քանի որ լուրջ ընդդիմադիր կուսակցությունները բոյկոտել են ընտրությունները:
Ինչեւէ, Ադրբեջանում տեղի ունեցած փոփոխությունները փորձագետը կարեւոր է համարում Ադրբեջանի համար`թե այդ երկրի արտաքին հարաբերությունների առնչությամբ, թե Մեհրիբան Ալիեւայի թեւի ուժեղացման: Սակայն, ըստ նրա, եթե անգամ Ադրբեջանի նախագահ դառնա Մեհրիբան Ալիեւան, Իլհամ Ալիեւն ու իր կլանը ստվերում շարունակելու են մնալ եւ ազդեցություն ունենալ զարգացումների վրա: Առհասարակ, այս երկու կլանների միջոցով, ըստ բանախոսի, Ադրբեջանում անընդհատ փորձում են հավասարակշռություն պահել, ինչը ուղեկցվում է նաեւ մրցակցությամբ եւ ոչ միշտ է հաջողվում:
Եթե Մեհրիբան Ալիեւան դառա նախագահ, Հայաստանի հետ հարաբերությունների եւ ԼՂՀ-ի մասով փորձագետը որեւէ փոփոխություն չի ակնկալում: Ասում է` երկու թեւերի մոտեցումներն էլ նույնն են: Ավելին, ադրբեջանական ընդդիմադիրների մոտեցումները այս հարցերում, ըստ բանախոսի, ավելի կոշտ են, քան իշխող Ալիեւների եւ Փաշաեւների կլանների մոտեցումները:
Նելլի ԳՐԻԳՈՐՅԱՆ
