ԵԽԽՎ-ն հաստատել է 6 պատվիրակությունների լիազորությունները, որոնք վիճարկվել էին նախօրեին գենդերային հավասարակշռության հիմքով:
Այսպես, Հյուսիսային Մակեդոնիայի, Լեհաստանի, Պորտուգալիայի, Սան Մարինոյի, Շվեդիայի և Շվեյցարիայի լիազորությունները վիճարկվել էին այն հիմքով, որ նրանք չեն համապատասխանում Վեհաժողովի կանոնակարգով սահմանված պայմաններին առ այն, որ ազգային պատվիրակությունները պարտավոր են ներառել «ոչ բավարար ներկայացված սեռերին առնվազն նույն տոկոսային հարաբերակցությամբ, ինչպես որ նրանք ներկայացված են իրենց խորհրդարաններում»:
Այնուամենայնիվ, ԵԽԽՎ Կանոնակարգի կոմիտեի կարծիքի նախագծի մեջ նշվում է, որ «միայն չբավարարելը այն պահանջին, որ յուրաքանչյուր պատվիրակությունում առնվազն մեկ կին ներկայացուցիչ պետք է լինի, կարող է հիմք հանդիսանալ, որպեսզի լիազորությունների ընդունումը վիճարկվի»:
Կոմիտեն նշել է, որ այդ պայմանը «ակնհայտորեն շատ սահմանափակ է, երբ խոսքը վերաբերում է կանանց ազնիվ ներկայացվածությանը» և իրավականորեն պետք է համարվի «ոչ բավարար»:
Կարդացեք նաև
Միաժամանակ, Կոմիտեն պաշտպանել է Ռուսաստանի պատվիրակության լիազորությունների մասին զեկույցը, որում խորհուրդ է տրվում այն լիարժեք հաստատել:
Պատրաստեց՝ Վիկտորյա ԱՆԴՐԵԱՍՅԱՆԸ
