Ըստ «РИА новости» լրատվական գործակալության հրապարակած տեղեկությունների՝ Թուրքիայում 12 հոգի հոսպիտալացվել են կորոնովիրուսի կասկածով։ Ընդ որում նրանցից 10-ը չինացի զբոսաշրջիկներ են, իսկ 2-ը` Թուրքիայի քաղաքացի։
Թուրքիայի զբոսաշրջային Կապադովկիա շրջանն ընդգրկող Աքսարայ նահանգի նահանգապետ Ալի Մանթըն հայտարարել է, որ զբոսաշրջիկներից մեկը թոքաբորբի ախտանիշեր ունի, և որպես կանխարգելիչ քայլ՝ մեկուսացվել է նրանց հետ շփման մեջ գտնված 9 մարդ ևս։
Ներկա պահին առկա տեղեկատվության համաձայն՝ Չինաստանում հիշյալ վիրուսով վարակված է ավելի քան 4.5 հազար մարդ, իսկ շուրջ 100 մարդ արդեն մահացել է։
