Լրագրողները Գյումրի այցելած ՀՀ կրթության, գիտության, մշակույթի և սպորտի նախարար Արայիկ Հարությունյանից հետաքրքրվեցին, թե նախարարությունը հետևողակա՞ն է, որ ուսումնական հաստատություններում ծանոթ-խնամի-բարեկամների աշխատանքի տեղավորելու ու մասնագետներին դուրս թողնելու վատ ավանդույթը չշարունակվի։
Ի պատասխան՝ նախարարը հայտարարեց․ «Մեկ տարվա, ութ ամսվա իմ գործունեության ընթացքում չեք կարող մի օրինակ նշել, որտեղ իմ մտերիմը գործի է անցել իմ նշանակմամբ»։
Դիտարկմանը՝ եթե գործի է անցել բուհի ղեկավարի մտերիմը, սրան ի՞նչ կասեք, նախարարը պատասխանեց․ «Ժողովուրդ ջան, բուհերը ինքնավար մարմիններ են, եթե դժգոհությունները կան, եթե բոլոր դասախոսների և ակադեմիական միջավայրի սեփականությունն է այդ դժգոհությունը, և ՛այդ ռեկտորին տուն կճանապարհեն, և՛ այդ բարեկամներին տուն կճանապարհեն։
Մենք այդ փոփոխությունները պետք է այդ մակարդակով անենք, ես՝ որպես նախարար, կարող եմ մեկի դեպքում որոշում կայացնեմ, երկուսի դեպքում որոշում կայացնեմ, եթե այդ փաստերը շատ են, ուրեմն դա համակարգային է, ուրեմն բոլորը դրան պիտի մասնակցություն ունենան»։
Կարդացեք նաև
Նունե ԱՐԵՎՇԱՏՅԱՆ
Նախարարի լուսանկարը՝ Շիրակի պետական համալսարանի ՖԲ էջից
