Հասարակական-քաղաքական գործիչների և ֆեյսբուքյան օգտատերերի շրջանում լայնորեն քննարկվում է Նիկոլ Փաշինյանի՝ Հրայր Թովմասյանի գրիչի մասին կատարված գրառումը։
Ստորև ներկայացնում ենք մի շարք հանրային գործիչների և ֆեյսբուքյան օգտատերերի արձագանքն այդ պատմության հետ կապված։
https://www.facebook.com/photo.php?fbid=602242450560942&set=a.139680660150459&type=3&theater
Էդգար ՄԱՐՈՒՔՅԱՆ
Կարդացեք նաև
«Ռենդերֆորեսթ» ընկերության տեխնիկական ղեկավար
Մի «կոմպրոմատ» էլ ինձնից…
Հրայր Թովմասյանի դեմ նեկայացրած ահավո՜ր կոմպրոմատներից հետո որոշեցի «ինքնաբացահայտվել»։
Քանի որ այսօր պարզ դարձավ, թե վարչապետ Փաշինյանի համար կոմպրոմատներ ունենալու չափանիշներն ինչպիսին են լինում, ուստի որոշեցի մի դրվագ պատմել՝ իմ և Նիկոլ Փաշինյանի շփումներից, որը ըստ վարչապետի մտածողության, գուցե և մի օր «լուրջ կոմպրոմատ» համարվի։
Թավշյա հեղափոխության օրերին քայլերթերից մեկի ժամանակ բարձրախոսների խնդիր էր առաջացել. մարտկոցներն էին վերջացել։
Մինչև կգնայի նոր մարտկոցներ գնելու, Նիկոլ Փաշինյանն ինձ փոխանցեց 10 հազար դրամ, որպեսզի գնենք և ունենանք հնարավորինս շատ մարտկոցներ։
Հիմա ասածս ո՞րն է։
Կարո՞ղ է մի օր մեղադրվեմ գումարով Թավշյա հեղափոխությանը մասնակցելու մեջ։
Տենդեցները դրան են տանում…
Հ.Գ.1 Չնայած, եթե հետևենք Հրայր Թովմասյանի նկատմամբ ցուցաբերված փաշինյանական տրամաբանությանը, գուցե եզրակացնենք, որ ինքն է այդ մարտկոցների համար նախատեսված գումարով շողոքորթել ինձ, որպեսզի պայքարեմ՝ մինչև Թավշյա հեղափոխությունը հաղթանակի։
Հ.Գ.2 Գրեթե համոզված եմ, որ մի օր էլ, քաղաքական որևէ նպատակահարմարությունից ելնելով, Ն. Փաշինյանը կարող է հայտարարել, որ, երբ ինքն ընդամենը մի քանի տասնյակ մարդկանցով մոտենում էր Երևանի մատույցներին և ես նախաձեռնել էի ակցիա՝ ի աջակցություն վերջինիս շարժմանը ( ի դեպ մենք իրենցից առնվազն եռակի անգամ շատ էինք), դա պայմանավորված էր միայն նրանով, որ ես ցանկանում էի շողոքորթել ապագա վարչապետին։
Շահեն ՀԱՐՈՒԹՅՈՒՆՅԱՆ
ՔԱՂԱՔԱՑԻԱԿԱՆ ԱԿՏԻՎԻՍՏ
https://www.facebook.com/permalink.php?story_fbid=1550119015147446&id=100004480862506
Փաստորեն, Հրայր Թովմասյանը կարողանում է ոչ միայն 530 եվրո արժողությամբ գրիչ ունենալ, այլ «պատահաբար» նվիրում է վարչապետին․․․
Սաունդտրեկը տեսանք, մնաց կինոն։
Ստյոպա ՍԱՖԱՐՅԱՆ
ՀԱՆՐԱՅԻՆ ԽՈՐՀՐԴԻ ՆԱԽԱԳԱՀ
https://www.facebook.com/styopa.safaryan.9/posts/1209321575940006
Ստյոպա Սաֆարյանը պնդում է, որ գրիչն արժե 530 եվրո։ Եթե նվերի արժեքը գերազանցում է 75000 դրամը, ապա ըստ ՀՀ օրենսդրության Նիկոլը պարտավոր էր այն հանձնել պետությունը, եւ եթե չի հանձնել, ապա յուրացրել է։
Եթե Ստյոպան ճիշտ է ասում, ապա Նիկոլը հանցագործություն է արել, եթե սուտ է ասում, ապա ինքն է կեղծ մատնություն արել։
Տղերք, դուք որոշեք՝ ձեզնից ով է նստելու էս գրիչի գործով։
Աղասի ԵՆՈՔՅԱՆ
ՔԱՂԱՔԱԳԵՏ
https://www.facebook.com/aghasi.yenokyan/posts/2905797532814685
Իսկ հիմա լրիվ լուրջ հարց․
Պարոն Թովմասյանի բնակարանում տեղի ունեցած անօրինական խուզարկության ժամանակ գրիչս թողել էի ավտոմեքենայի մեջ և պարոն Թովմասյանն ինձ առաջարկեց իր գրիչը։
Մինչև էսօր ինձ թվում էր, թե ես եմ ծառայություն մատուցում, հիմա ինձ կօգնեք հասկանամ՝ էս նոր իրողություններով պայմանավորված ո՞վ ո՞ւմ է ծառայություն մատուցում։
Հ.Գ Վերցրեցի, օգտագործեցի, փչացրեցի ու վերադարձրեցի…
Միհրան ՊՈՂՈՍՅԱՆ
ՓԱՍՏԱԲԱՆ
https://www.facebook.com/mirannem/posts/10158378308342125
2012-2018 թթ. Նիկոլ Փաշինյանն իմ աշխատասենյակում բազմաթիվ անգամ սուրճ է խմել: Իմ օգնականն էլ էդ առիթներով երևի հարցրել է` սուրճը շաքարո՞վ, թե առանց, պարոն Փաշինյան:
Նիկոլն էլ միշտ շնորհակալություն էր հայտնում: Փաստորեն, Նիկոլն ու օգնականս ոտքի վրա պարբերաբար քծնանքի ու շողոքորթության ռևերանսներ են փոխանակել, չեմ էլ իմացել:
Պետության ղեկավարը էս կարգի էժան չի լինում էլի… Չի լինում:
Սամվել ՖԱՐՄԱՆՅԱՆ
ԱԺ ՆԱԽԿԻՆ ՊԱՏԳԱՄԱՎՈՐ
https://www.facebook.com/farmanyan.samvel/posts/10219975189347171
Երդվում եմ, էլ խնդալու չի։
Բոլորդ, ես էլ ձեր հետ, բոցվում ենք, բայց պատկերացնում ենք, չէ՞, թե ինչ խորը եւ համապարփակ բանի մեջ ենք։
Այս անձը Արցախյան բանակցություններ է վարում, երկիր ներկայացնում, մարդկանց ճակատագրերի հետ խաղում, Սահմանադրությամբ գլխավոր հրամանատար պիտի դառնա…
Ապեր, սրանից հետո այնպես արա, որ 4 ոչ աշխատանքային օր իրար հետեւից չընկնի։ Դու ֆորմի մեջ չես, չես ձգում։
Դու ընդհանրապես էլ չես ձգում։ Կարո՞ղ է լավով գնաս։ Խոստանում եմ, մի հիշվող գրիչ էլ ես քեզ նվեր տամ։
Մտածիր։
Արմեն ԱՇՈՏՅԱՆ
ՀՀԿ ՆԱԽԿԻՆ ՓՈԽՆԱԽԱԳԱՀ
https://www.facebook.com/armen.ashotyan/posts/10220437950236946
Հիշեցնենք.
*Գրիչ
*Կափարիչ
*Զգլխիչ
*Կառավարիչ
*Ահաբեկիչ
– սրանք ոչ հայրանուն են, ոչ էլ սերբական ազգանուն։ Ու էլի լիքը բան չեն:
Քիթ, կոկորդ, ականջի ու լեզվի կոմիտե:
Սամվել ՄԱՐՏԻՐՈՍՅԱՆ
ՄԵԴԻԱՓՈՐՁԱԳԵՏ
https://www.facebook.com/samvel/posts/10157926484053781
ԹՈՒՄԱՆՅԱՆԱԲԱՐ
ԳՐԻՉ
Ի՞նչ կըլինի, ասա՛, գրիչ,
Ինձ էլ սիրես գոնե մի քիչ։
Ինչո՞ւ ՍԴ ՀՐԱՅՐԻ ձեռքին
Գրում ես միշտ վարժ ու կարգին.
Իսկ իմ ձեռքին խազմըզում ես
Սև ագռավի ճանկերի պես։
Ես քեզ վատ բան ի՞նչ եմ արել։
Ավետիք ԻՇԽԱՆՅԱՆ
ԻՐԱՎԱՊԱՇՏՊԱՆ
https://www.facebook.com/permalink.php?story_fbid=790963681402986&id=100014680840236
Լուսանկարը՝ ֆեյսբուքյան օգտատիրոջ
Հասկանալու համար, թե քանի մթնոլորտ ճնշում պետք է որ իջած լիներ այդ գրչի տիրոջ արժանապատվության վրա 2018 թվականի մայիսին, երբ նա տալիս էր այդ գրիչը Վարչապետ Նիկոլ Փաշինյանին, պետք է հիշել, թե ինչ էր ասում ընդդիմադիր պատգամավոր Նիկոլ Փաշինյանը այդ մարդու մասին դրանից երկու ամիս առաջ։
Հրայր Թովմասյանի համար պետք է որ մղձավանջ թվար Նիկոլ Փաշինյանի հետ արարողակարգային ձեռքսեղմումը, ուր մնաց թե բարիդրացիական զրույցի բռնվելը կամ թե գրիչ «նվեր» տալը։
Մարիա ԿԱՐԱՊԵՏՅԱՆ
ԱԺ «ԻՄ ՔԱՅԼԸ» ԽՄԲԱԿՑՈՒԹՅԱՆ ՊԱՏԳԱՄԱՎՈՐ
https://www.facebook.com/maria.karapetyan/posts/10219417246758480
