Ավերիչ երկրաշարժի զոհերի թիվը հասել է 35-ի․ Հայաստանը ցավակցել է Թուրքիային․ Ermenihaber.am

Ermenihaber.am – ՀՀ արտաքին գործերի նախարարությունը Telegram ալիքում հրապարակված հայտարարությամբ ցավակցություն է հայտնել Թուրքիային։

«Խորապես ցավակցում ենք Էլազըղում տեղի ունեցած սարսափելի երկրաշարժի հետևանքով մահացածների ընտանիքներին, տուժածներին մաղթում շուտափույթ ապաքինում և Թուրքիայի վնաս կրած շրջանների վերականգնում»։

Նշենք, որ Թուրքիայի արևելյան Էլազըղ (պատմ. Խարբերդ) նահանգում հունվարի 24-ի երեկոյան տեղի է ունեցել ավերիչ երկրաշարժ։ Ստորգետնյա ցնցումները, ըստ Ռիխտերի սանդղակի, եղել են 6.8 բալ ուժգնությամբ։ Երկրաշարժին հաջորդել են մի քանի տասնյակ հետցնցումներ։ Փլուզումներ են եղել Էլազըղից մինչև Մալաթիա։

Ըստ պաշտոնական տվյալների՝ զոհերի թիվն այս պահին հասել է 35-ի, իսկ հոսպիտալացվածների թիվը՝ 1607-ի։  Թուրքիայի նախագահ Ռեջեփ Թայիփ Էրդողանն այցելել է երկրաշարժից տուժած և Էլազըղի քաղաքային հիվանդանոցում հոսպիտալացված քաղաքացիներին։

Կարդացեք նաև

Շինարարական սարքավորումներով` մեքենաները սպանում են մարդկանց. Ինչու՞ են որոշ երկրների փրկարարական խմբերը ժամանակից շուտ լքում Թուրքիան

• 20:45 15.02.2023

Թուրքիայի երկրաշարժից զոհված հայերի թիվը հասել է 15-ի

• 23:23 13.02.2023

Իրանում մոլորություն են համարում Ալիեւի հաշվարկը, թե Լաչինը փակելով կարող է ստիպել Հայաստանին՝ միջանցք տրամադրել Ադրբեջանին. «Ազգ»

• 11:00 23.12.2022

Տեղեկացվում է, որ երկրաշարժի հետևանքով փլուզվել է 72, լուրջ վնասվել 514, թեթև վնասվել 409 շենք-շինություն։ Փրկարարական աշխատանքները շարունակվում են։