Մեծարգո պարո՛ն վարչապետ,
Որպես Արցախի Հանրապետությունում առաջիկայում սպասվող համապետական ընտրություններին հայտ ներկայացրած նախագահի թեկնածու՝ բանակցային գործընթացի վերաբերյալ դիրքորոշում արտահայտելու Ձեր կոչին արձագանքում եմ ազատագրված Քաշաթաղի շրջանի Որոտան (նախկին Կուբաթլու) քաղաքից: Այս պահին տեղի կուսակցական ակտիվի հետ հանդիպման եմ:
Պարո՛ն Վարչապետ,
Մեր քաղաքական թիմի, և համոզված եմ, նաև մեր ժողովրդի համար ընդունելի չէ ադրբեջանա-ղարաբաղյան հակամարտության կարգավորման վերաբերյալ Ձեր կողմից մամուլի ասուլիսի ընթացքում վկայակոչված նախկին իշխանությունների կողմից քննարկված տարբերակը։ Այս առթիվ հրապարակավ հանդես գալու բազմաթիվ առիթներ եմ ունեցել, թե՛ որպես ԱՀ վարչապետ, թե՛ որպես քաղաքական կուսակցության ղեկավար։ Ավելին՝ նախագահ ընտրվելու դեպքում ջանք ու եռանդ չենք խնայելու, որ Արցախի Սահմանադրությամբ ամրագրված բոլոր տարածքները դառնան ծաղկուն շրջաններ: Այս մասին այսօր խոսել եմ որոտանցիների հետ հանդիպման ժամանակ, և առիթն օգտագործելով, նույն ասելիքս ուղղում եմ համայն հայությանն ու ողջ աշխարհին։
Կարդացեք նաև
Արայիկ ՀԱՐՈՒԹՅՈՒՆՅԱՆ
ԱՐՑԱԽԻ ՆԱԽԱԳԱՀԻ ԹԵԿՆԱԾՈՒ
https://www.facebook.com/ArayikHarutyunian/posts/467507513946627?__xts__[0]=68.ARAZT_3w96ZRxmWplqAqaT2OmT1cqsbSZSAxWI0ySICQPQNMSEDeE90x-IwupOJL-uIru-mcSOEy6E6oN3GU6b4slxHrJGqb7ggKY-6K9UlSNOt0sC5B8GcfDbnOzLHE5Wgw2llkkUApDic_s0utty0Fje5_D_wkdY57HMMlxoKeKLG4OF9QESzoNgqoSNLx_x2cwkViOn-LxEjEw-CfnJ1WD0llA91MUh7SFbW7KncrVzENMfmZyeGCODJvODX8sS8kkyyWTbSOSSuM6fxhv6ViVGGC-cn_SVypFQfN1V01LW3PcJ1Dl8RFD2O3rLzHOo3mTRsJXjKQ3lGYOU35dOI&__tn__=-R
