Ալավերդու պղնձաձուլական գործարանի արդեն նախկին աշխատակիցները տևական ժամանակ է բողոքի ձայն են բարձրացնում իրենց 3 ամսվա աշխատավարձի չվճարման հարցով։
Հավելենք, որ գործարանի մետալուրգիական արտադրամասի 165 աշխատակիցներին դեկտեմբերի 30-ին վճարել էին 1 ամսվա աշխատավարձը, իսկ մյուս մասը խոստացել էին վճարել մինչև 2020 թվականի հունվարի 15-ը, սակայն մինչ օրս չի վճարվել: Խնդիրն այն է, որ գործարանի տնօրինությունը աշխակիցներին հայտնել է աշխատանքից ազատման մասին, սակայն նրանց վերջնահաշվարկ նույնպես չի տրամադրվել։
Տեղի ունեցող ակցիաներին մասնակցում է ավելի քան 100 աշխատակից։
«Փաստ» թերթի աղբյուրի փոխանցմամբ, իրենց բողոքին չարձագանքելու և պատշաճ լուծում չտալու դեպքում նրանք պատրաստվում են դիմել ծայրահեղ քայլերի՝ ընդհուպ փակել Հայաստան մտնող երկաթգիծը, ինչպես նաև դեպի Վրաստան տանող միջպետական մայրուղին։
Կարդացեք նաև
Հոդվածն ամբողջությամբ՝ «Փաստ» թերթի այսօրվա համարում
