Թրամփի վարչակազմը սահմանել է մուտքի արտոնագրերի նոր կանոններ, որոնք ուղղված են սահմանափակելու «ծննդաբերության նպատակով տուրիզմը», ըստ որի, հղի կանայք այցելում են ԱՄՆ ծննդաբերելու նպատակով, որպեսզի երեխաները ստանան ԱՄՆ քաղաքացիություն
Նոր կանոնակարգը միտված է թույլ չտալ օտարերկրացիներին օգտվելու սահմանադրական այն դրույթից, ըստ որի, բոլոր նրանք, ովքեր ծնվել են ԱՄՆ-ում, կարող են դառնալ ԱՄՆ քաղաքացիներ: Նոր կանոնի համաձայն, հղի կանանց չի տրամադրվի տուրիստական վիզա, բացառությամբ այն դեպքերի, եթե վերջիններս ապացուցեն, որ ծննդաբերությունը ԱՄՆ-ում անհրաժեշտ է բժշկական նպատակներից ելնելով: Նրանք նաև պետք է գումար ունենան ծննդաբերության հետ կապված ծախսերը հոգալու համար:
Պաշտոնյաները նշում են, որ հյուպատոսական ծառայությունների աշխատակիցները հարց չեն ուղղի բոլոր կին դիմորդներին հղիության հետ կապված: Փոխարենը, սակայն, վերջիններս իրավունք են ստանում այդ հարցով դիմել կնոջը, եթե հիմնավոր կասկածներ ունեն, որ դիմումատուն նախատեսում է ծննդաբերել ԱՄՆ-ում:
Այս կանոնը չի կիրառվի եվրոպական և ասիական 39 երկրների նկատմամբ, որոնց քաղաքացիները իրավունք ունեն առանց վիզայի այցելել ԱՄՆ: Կանոնը կկիրառվի B տեսակի վիզա ստացող երկրների քաղաքացիների հանդեպ, ովքեր այս վիզան ստանում են ժամանակավորապես ԱՄՆ այցելելու համար:
Կարդացեք նաև
Նյութն ամբողջությամբ՝ սկզբնաղբյուր կայքում
