Կառավարություն-ԱԺ հարցուպատասխանի ժամանակ այսօր «Լուսավոր Հայաստանի» պատգամավոր Արկադի Խաչատրյանը վարչապետ Նիկոլ Փաշինյանի տեսակետը հարցրեց բժշկական ապահովագրության նոր՝ 6%-ոց հարկատեսակի մասին: Պատգամավորը ի թիվս այլ խնդրահարույց հարցերի՝ հետաքրքրվեց, թե Փաշինյանն ինչպես է վերաբերում այն փաստին, որ այդ հարկը վճարելու են միայն աշխատող քաղաքացիները:
«Կառավարությունում այդ առթիվ միասնական տեսակետ դեռ չա: Սա հրավեր է՝ քննարկելու հարցը: Առողջապահության նախարարն այդ հայեցակարգը հրապարակել է հանրային բանավեճի համար»,-նախ նշեց Նիկոլ Փաշինյանը, ապա համոզմունք հայտնեց, որ ՀՀ որեւէ քաղաքացի հիվանդանոցի «դռներին» չպետք է մնա. «Բոլոր քաղաքացիները պատշաճ առողջապահություն պետք է ունենան: Ես ինքս ձեւավորված տեսակետ չունեմ այդ առթիվ»:
Լուիզա ՍՈՒՔԻԱՍՅԱՆ
