Ազգային ժողովի այսօրվա նիստում անդրադարձ եղավ Երեւանի ընդհանուր իրավասության դատավոր Տաթեւիկ Գրիգորյանի աշխատասենյակի հետ կապված միջադեպին: Հիշեցնենք, որ նրա աշխատասենյակի ապակուն կրակոց է արձակվել. իրավապահները հայտնաբերել են գնդակը:
Անկախ պատգամավոր Արման Բաբաջանյանը կատարվածը դատապարտեց եւ ոտնձգություն որակեց. «Իրավապահները պարտավոր են ժամ առաջ կատարվածի դրդապատճառը պարզել: Սա ոտնձգություն է ոչ այնքան առանձին դատավորի, որքան դատական համակարգի հանդեպ: Պետությունը պարտավոր է խստագույնս սրան արձագանքել՝ ուղերձ հղելով, որ դատական համակարգն ու դատավորները պետության հատուկ պաշտպանության տակ են»:
Ըստ Արման Բաբաջանյանի՝ պատգամավորներն անարձագանք չպետք է թողնեն կատարվածը եւ պահանջեն բացահայտում. «Հայաստանին օդ ու ջրի պես անհրաժեշտ է անկախ դատական համակարգ, բայց այն չի կարող անկաշկանդ գործել, եթե դատավորների ֆիզիկական անվտանգությունն ապահովված չէ»:
ԱԺ փոխնախագահ Ալեն Սիմոնյանն արձագանքեց, որ համաձայն է Բաբաջանյանի մտահոգության հետ. «Ճիշտ եք: Չկա որեւէ արդարացում նման արարքի: Վստահեցնում եմ՝ իրավապահներն ամեն ինչ կանեն, եւ պատասխանատվությունը կհասնի մեղավորին»:
Կարդացեք նաև
Լուիզա ՍՈՒՔԻԱՍՅԱՆ
Մեկն ու մեկդ Արման Բաբաջանյանին ասեք, որ կրակոցի դեպքում չէր ջարդվի երկապակի պատուհանի միայն արտաքին ապակին ու գնդակն էլ չէր ընկնի գետնին: Ինչը նշանակում է, որ չեղած տեղից փոթորիկ սարքելը իմաստ չունի: