Ամերիկյան No Passport Required խոհարարական հաղորդման շրջանակում հաղորդավար Մարկուս Սեմյուելսոնը գնացել է Լոս Անջելես՝ ծանոթանալու հայկական խոհանոցին:
Հաղորդման շրջանակում Սեմյուելսոնը հանդիպում է Լոս Անջելեսի հայերի հետ, որոնք ազդել են տեղի խոհանոցի ձևավորման վրա: Հաղորդման մեջ նշվում է, որ Լոս Անջելեսի հայկական խոհանոցը սփյուռքի խոհանոց է, այսինքն` ձևավորվել է տարբեր տարածաշրջանից տեղափոխված հայերի կողմից:
Հաղորդավարը ծանոթանում է մարդկանց հետ, որոնք Լոս Անջելեսում և Գլենդելում պահպանում և զարգացնում են հայկական սնվելու մշակույթը, ճաշակում է ավանդական ուտելիքներ՝ մանթի, քեբաբ, փքաբլիթներ, ինչպես նաև խորոված և շաուրմա:
Պատրաստեց՝ Վիկտորյա ԱՆԴՐԵԱՍՅԱՆԸ
