Հունվարի 17-ին ոստիկանության Լոռու մարզային վարչության Վանաձոր քաղաքի ոստիկանության Տարոնի բաժնի և ճանապարհային ոստիկանության 2-րդ սպայական գումարտակի 5-րդ վաշտի 1-ին դասակի ծառայողները Վանաձոր քաղաքում իրականացրել են «Ճռռիկ-վռռիկ» օպերացիան։
Ինչպես հայտնում է ֆոտոլրագրող Գագիկ Շամշյանը, ոստիկանության Տարոնի բաժնի քրեական հետախուզության բաժանմունքում օպերատիվ տեղեկություններ էին ստացվել, որ մի խումբ անձինք Վանաձոր քաղաքի «Հայքի» հրապարակում գտնվող քաղաքացիների և բնակչության նկատմամբ ցուցաբերել են անհարգալից վերաբերմունք՝ կոպիտ կերպով խախտելով հասարակական կարգը, այն է՝ ավտոմեքենաներով բարձր արագությամբ վարելու ընթացքում արգելակել են, կատարել մի քանի պտույտներ։ Գ. Շամշյանի տեղեկություններով՝ ոստիկանները ժամերի ընթացքում հայտնաբերեցին «ճռռիկ-վռռիկ» անողներին ու նրանց տրանսպորտային միջոցները։
Ֆոտոլրագրողի տեղեկություններով՝ «ճռռիկ-վռռիկ» անողները Վանաձորում հայտնի մի շարք մականունավորներ են, որոնց մի մասն ավեի շատ հայտնի է «Վինի Թուխ», «Լեոպոլդ կատու», «Պույ-պույ մկնիկ», «Պոչատ աղվես», «Ձախորդ Փանոս», «Շուրա Բալագանով», «Պանիկովսկի», «Միստր Իքս», «Կացին ախպեր», «Գնդլիկ բոքոնիկ». «Բազազ Արտեմ», «Լոռեցի Սաքոն», «Ցռան Վերգո» մականուններով։
Կարդացեք նաև
Նյութն ամբողջությամբ՝ սկզբնաղբյուր կայքում
