Արցախի մարդու իրավունքների պաշտպան Արտակ Բեգլարյանը կարծում է, որ այսպես կոչված «Ղարաբաղի ադրբեջանական համայնքի»՝ ԵԽ պատգամավորներին ուղղված նամակը, որում համայնքը վերջերս մատնանշել էր, թե ցանկանում է վերադառնալ եւ հայերի հետ խաղաղ ապրել, սակայն հայերը չեն ուզում, քարոզչական հնարք է:
«Ադրբեջանը ստիպված փորձել է ինչ-որ «բլեֆ» անել եւ ներկայացնել, թե այդ համայնքը խաղաղության է պատրաստ: Հաջորդ «բլեֆն» այն է, որ այդ համայնքին եւ Արցախին փորձում են «համարժեք» հարթակում ներկայացնել»,-լրագրողների հետ զրույցում այսօր ասաց Արտակ Բեգլարյանը:
https://www.facebook.com/aravot.am/videos/601717713895534/?v=601717713895534
«Երբ մենք խոսում ենք Արցախի՝ բանակցություններին լիարժեք մասնակցության մասին, Ադրբեջանն այդ կերպ փորձում է «հավասարակշռել» իր համայնքով: Որպես Արցախի ՄԻՊ՝ պաշտոնապես հայտարարում եմ, որ Արցախի հանրապետությունը պատրաստ է ընդունել ադրբեջանցիներին իր հանրապետությունում: Ես էլ իմ լիազորությունների շրջանակում պատրաստ եմ պաշտպանել նրանց իրավունքները, եթե պատրաստ են գալ Արցախ եւ արցախահայության հետ հավասար ընդունել Արցախի հանրապետության լիազորություններն ու իրավասությունն այս տարածքում»,-շեշտեց նա:
Կարդացեք նաև
Լուիզա ՍՈՒՔԻԱՍՅԱՆ
