«Հանրության մեջ կա պատկերացում, որ պետք է վերանայել Սահմանադրության բազմաթիվ կարգավորումներ։ Հեղափոխությունից հետո վերահաստատում ենք, որ բաց ենք այդ քննարկումների առաջ»,-լրագրողների հետ զրույցում այսօր անդրադառնալով վարչապետ Նիկոլ Փաշինյանի՝ սահմանադրական փոփոխությունների նպատակով հանձնաժողով ստեղծելու որոշմանը, ասաց ԱԺ նախագահ Արարատ Միրզոյանը:
«Թող ստեղծվի հանձնաժողով, թող սկսվեն քննարկումերը։ Իշխանությունը չունի իր առաջ դրված խնդիր՝ փոխելու կոնկրետ այս կամ այն բանը։ Ուզում ենք խոսել, հասկանալ»,-նշեց նա:
https://www.facebook.com/aravot.am/videos/502524890676865/?v=502524890676865
Անդրադառնալով մեկնաբանություններին, թե բարեփոխումների նպատակն իրականում Սահմանադրական դատարանի շուրջ ճգնաժամի լուծումն է, նա շեշտեց. «Ես ինքս քանիցս ասել եմ, որ ՍԴ-ի շուրջ թնջուկի լուծման հնարավոր տարբերակներից մեկը նաեւ սահմանադրական փոփոխություններն են։ Ընդգծեմ, որ սահմանադրական փոփոխությունների հիմքում ՍԴ հարցի լուծումը չէ։ Տասնյակ տարիներ հայ հանրությունը խոսում է այն մասին, որ Սահմանադրությունը պետք է փոխել։ Սա է հիմքում»:
Կարդացեք նաև
Լուիզա ՍՈՒՔԻԱՍՅԱՆ
