«Փորձը ցույց տվեց, որ բանակցություններն առայժմ անպտուղ են: 2016թ.-ին ականատես եղանք, թե ինչպես թուրք զինվորը գլխատեց հայ զինվորին: Սա նշանակում է, որ նրանց ձեռագիրը նույնն է՝ ցեղասպանական քաղաքականություն»,-լրագրողների հետ զրույցում այսօր անդրադառնալով հարցին, թե Ադրբեջանը որքանով է պատրաստ խաղաղության նախապատրաստման գործընթացին, որին հետամուտ է հայկական կողմը, ասաց Արցախի խորհրդարանի պատգամավոր Արզիկ Մխիթարյանը:
https://www.facebook.com/aravot.am/videos/169344030981491/?v=169344030981491
«Մի հանճարեղ միտք կա՝ ձիթենու ճյուղը որքան էլ դնես բորենու բերանը, նա խաղաղության աղավնի չի դառնա…իհարկե, մենք չենք մտածում, որ դարավոր թշնամիներ պետք է մնանք, բայց միշտ պետք է հիշենք, որ մեր հարեւան էթնոսն ունի հայատյաց քաղաքականություն»,-շեշտեց Արզիկ Մխիթարյանը:
Ինչ վերաբերում է Ալիեւի տարեվերջյան հայտարարությանը, որում նա բանակցությունների ոչ արդյունավետ լինելու համար մեղադրում էր հայկական կողմին, պատգամավորը նկատեց՝ հարյուր անգամ ասված սուտը վերածում են ճշմարտության:
Կարդացեք նաև
Լուիզա ՍՈՒՔԻԱՍՅԱՆ
