«Ադրբեջանը գնալով ավելի քիչ է պատրաստվում խաղաղության՝ սպառազինության եւ հայատյաց քաղաքականության ամրապնդման առումով: Նա իր հանրությանը փորձում է պատրաստել պատերազմի»,-լրագրողների հետ զրույցում այսօր անդրադառնալով հարցին, թե Արցախյան հակամարտության կարգավորման ներկայիս փուլում Ադրբեջանը որքանո՞վ է հետամուտ խաղաղության նախապատրաստմանը, որը պաշտոնապես վերահաստատում է հայկական կողմը, ասաց Արցախի մարդու իրավունքների պաշտպան Արտակ Բեգլարյանը:
https://www.facebook.com/aravot.am/videos/1032600423799810/?v=1032600423799810
«Իհարկե, դա չի նշանակում, որ պատերազմը միանշանակ է: Դա կախված է հայության հզորությունից: Իսկ Ադրբեջանն ակնհայտորեն չի ցանկանում խաղաղության գնալ, ցավոք: Դա նշանակում է, որ հակամարտությունը երկար է տեւելու: Մի օր, հուսամ, որ ադրբեջանական հասարակությունը հասկանալու է, որ իր եւ բոլորի շահերից է բխում երկխոսություն ունենալն ու հարեւանություն անելը, պատմության աչքերին նայելն ու սեփական սլաքներն ընդունելը»,-նշեց Արտակ Բեգլարյանը:
Լուիզա ՍՈՒՔԻԱՍՅԱՆ
