«Այդ լուրն ապշահար արեց ինձ ու գործընկերներիս»,-խորհրդարանում լրագրողների հետ զրույցում այսօր անդրադառնալով ԱԱԾ նախկին պետ Գեորգի Կուտոյանի մահվան հանգամանքին, ասաց ԱԺ փոխնախագահ Ալեն Սիմոնյանը: «Վստահ եմ, որ շուտով կիմանանք մանրամասներն այս ամենի»,-համոզմունք հայտնեց Ալեն Սիմոնյանը:
Նրա բնորոշմամբ՝ անկախ նրանից, թե Կուտոյանը նախկինում ինչ պաշտոն է զբաղեցրել, խոսքը մարդու կյանքի մասին է. «Չեմ կարծում, որ նա այնպիսի ժամանակահատվածում է զբաղեցրել կամ այնքան մեծ բեռ է կրել, որ այդ բեռը…չգիտեմ՝ ինքնասպանությունը կամ սպանությունը տարբեր մեկնաբանությունների եւ հետեւությունների առիթ են: Եկեք սպասենք, թե ինչ կասի նախաքննությունը»:
https://www.facebook.com/aravot.am/videos/548924685836920/
Հարցին՝ «եղավ նաեւ նախկին ոստիկանապետի դեպքը, սա ահազա՞նգ է իշխանություններին», Ալեն Սիմոնյանն այսպես պատասխանեց. «Չգիտեմ, կարծում եմ՝ սա նախկինի արձագանք կարելի է համարել: Արձագանքն է, որը մինչեւ օրս հնչում է եւ մեկ-մեկ մեր ականջներին հասնում նման ձեւերով: Ցավալի արձագանք է: Իմ անձնական կարծիքով՝ երբեմն թվում է, որ ինչ-որ բացասական գործընթաց է տեղի ունենում, որը կողքով անցնում է, եւ մենք դրա հետ որեւէ առնչություն չունենք: Շատ ցավում եմ, որ այդ գործընթացը մարդկանց կյանքեր է արժանանում: Խոսքն ավելի հուզական-մարդկային բանի մասին է, քան կոնկրետ կազմակերպված բանի: Դա իմ կարծիքն է ու առաջին տպավորությունը»:
Կարդացեք նաև
Լուիզա ՍՈՒՔԻԱՍՅԱՆ
