Հեռուստատեսության եւ ռադիոյի ոլորտի օրենսդրական բարեփոխումներին նվիրված խորհրդարանական լսումների ժամանակ այսօր «Կառավարության տեղեկատվական-վերլուծական կենտրոն» ՊՈԱԿ-ի տնօրեն Հովհաննես Մովսիսյանը, դիմելով խորհրդարանական լսումների մասնակիցներին, ասաց, որ նորություն ունի. «Հանրային հեռուստառադիոխորհուրդը գումար է ստացել վարչապետի աշխատակազմի պահուստային ֆոնդից, որպեսզի հեռուստատեսային վարկանիշ չափող ընկերությունում աուդիտ անցկացվի: Սա շատ կարևոր է ընդհանուր դաշտի զարգացման համար»:
Մովսիսյանը նաեւ ասաց, որ Հայաստանում հեռուստատեսային վարկանիշ չափող ընկերությունը աուդիտի չի ենթարկվել, ինչն օրենսդրական բաց է. «Աուդիտն առաջիկայում կսկսվի: Եթե արձանագրվի, որ վարկանիշի չափման խախտումներ են եղել, մեղավորները պետք է պատասխանատվության ենթարկվեն»:
Հովհաննես Մովսիսյանը նաեւ հայտնեց, որ առաջիկայում քննարկման կենթարկվի Հանրային հեռուստաընկերության եթերում գովազդի թույլտվության հարցը եւս։
Մովսիսյանը հիշեցրեց, որ Հանրայինը գովազդային բյուջեից զրկվել էր 2014թ.-ին. «Նախաձեռնել ենք բարեփոխումներ՝ մեդիադաշտի ապամոնոպոլիզացման համար: Գովազդի բաշխումն ու վարկանիշի չափումը պետք է հիմնված լինեն իրականության վրա: Առաջիկայում ԱԺ կբերվի նաեւ «Հանրային»-ին գովազդի իրավունք վերադարձնելու օրինագիծը»:
Կարդացեք նաև
Լուիզա ՍՈՒՔԻԱՍՅԱՆ
