Այսօր կառավարության նիստից հետո լրագրողների հետ ճեպազրույցում առողջապահության նախարար Արսեն Թորոսյանն ասաց՝ փորձում են կարգավորել հետծննդյան բարդացումներով վարվող դեպքերը: Սրանով, ըստ նախարարի, կկանխարգելվեն նորածինների ապօրինի որդեգրման կամ վաճառքի դեպքերը:
Թորոսյանի խոսքով. «Մեր լիազորությունների շրջանակներում կանոնակարգում ենք ծննդօգնության ծառայությունների մատուցումը։ Իհարկե, դրա մեջ նաեւ ներառում ենք այնպիսի գործընթացներ, որոնք կկանխարգելեն բուժաշխատողի եւ ապագա մոր կամ հարազատների միջեւ ոչ օրինական հարաբերությունները։ Նաեւ հիմա փորձում ենք կանոնակարգել հետծննդյան այնպիսի դեպքերի վարումը, որոնք մինչ այս կասկածներ էին առաջացնում հղի կանանց մոտ, թե՝ որտեղ է մահացած իրենց երեխայի դին։ Այդ մասը կանոնակարգման առումով մի քիչ բաց էր, փորձելու ենք այնպես անել, որ թե՛ ամեն ինչ պարզ լինի, թե՛ ամեն ինչ լինի ծնողների համաձայնությամբ, եւ թե՛ նման կարգերը խախտելու դեպքում պատիժ լինի»:
Թորոսյանն ասաց, որ գործի շրջանակներում կան դրվագներ, երբ բուժաշխատողները դրդել են ծնողներին թողնել երեխաներին, ուստի նախատեսում են բուժաշխատողների համար կրթական ծրագրեր իրականացնել։
Մանրամասն՝ տեսանյութում
Կարդացեք նաև
Նելլի ԲԱԲԱՅԱՆ
