«Ցանկանում եմ հիշեցնել, որ լսողության խնդիրներ ունեցող անձինք հիմնականում զրկված են տեղեկատվության հասանելիությունից: Միջազգային կոնվենցիան պահանջում է, որ պետությունն ապահովի հեռուստատեսությամբ եւ այլ միջոցներով տեղեկատվության հասանելիությունը՝ լսողական եւ տեսողական խնդիրներ ունեցող անձանց համար»,-հեռուստատեսության եւ ռադիոյի ոլորտի օրենսդրական բարեփոխումներին նվիրված խորհրդարանական լսումների ժամանակ այսօր հայտարարեց «Լռության ձայն» լսողության խնդիրներ ունեցող անձանց շահերի պաշտպանության հ/կ ղեկավար Արտաշես Հովհաննիսյանը:
ԱԺ ամբիոնից դիմելով ոլորտի պատասխանատուներին եւ պատգամավորներին՝ նա շեշտեց, որ բոլոր հեռուստահաղորդումները պետք է ուղեկցվեն ենթագրերով եւ սուրդոթարգմանությամբ. «Առաջարկում եմ այդ հարցի լուծման համար համագործակցել մասնավոր կազմակերպությունների հետ, որպեսզի հանրության շրջանում ապահովվի տեղեկատվության լիարժեք ստացում եւ ներառականություն»:
Լուիզա ՍՈՒՔԻԱՍՅԱՆ
