Այս տարվա ամռանը ՀՀ կառավարությունը որոշում ընդունեց, ըստ որի՝ 2008 թ. մարտի 1-ի իրադարձությունների հետեւանքով մահացած անձանց իրավահաջորդները կստանան 30 միլիոն դրամ, առողջությանը ծանր վնաս ստացած անձինք՝ 15 միլիոն դրամ, առողջությանը միջին ծանրության վնաս ստացածները՝ 5 միլիոն դրամ փոխհատուցում։
«Հրապարակ»-ը դիմել է արդարադատության նախարարությանը՝ փոխհատուցում ստացածների ցանկը ստանալու համար։ Հայտնեցին, որ փոխհատուցում ստացածների անունները չեն կարող փոխանցել, քանի որ այն համարվում է անձնական տվյալ, սակայն տրամադրեցին, թե քանի մարդ է դիմել այդ փոխհատուցման համար, եւ քանիսն են ստացել.
«ՀՀ արդարադատության նախարարություն ներկայացվել է 75 դիմում։ Բավարարվել է 49-ը, որոնցից 10-ը ներկայացվել է զոհված (մահացած) անձանց իրավահաջորդների կողմից, 8-ը՝ ծանր վնասվածք ստացած անձանց, 31-ը՝ առողջությանը միջին ծանրության վնասվածք ստացած անձանց կողմից։ Ստացված դիմումների բավարարման արդյունքում անձանց հաշվեհամարներին փոխանցվել է 575 մլն ՀՀ դրամ։
Դիմումներից 23-ը մերժվել է, 3 դիմում գտնվում է քննարկման փուլում։ Հավելեմ նաեւ, որ կառավարության համապատասխան որոշման հիմնավորման մեջ նշված տուժող ճանաչված անձանց թիվը, պայմանավորված հարուցված քրեական գործերի ընթացքով, կարող է փոփոխվել»։
Կարդացեք նաև
Աննա ՊԱՊԻԿՅԱՆ
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
